منتديات عشــــــــاق بــــــغداد
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

منتديات عشــــــــاق بــــــغداد

ملتقى عشاق بغداد نلتقي لنرتقي
 
الرئيسيةأحدث الصورالتسجيلدخول

 

 قصية الشاعر عاشق الرومانسية

اذهب الى الأسفل 
3 مشترك
كاتب الموضوعرسالة
$ ملك الرومانسية $
عضو ذهبي
عضو ذهبي
$ ملك الرومانسية $


ذكر
عدد الرسائل : 500
العمر : 35
الموقع : kahtan_bmw2007
العمل/الترفيه : طالب كلية
نقاط : 0
تاريخ التسجيل : 01/10/2007

قصية الشاعر عاشق الرومانسية Empty
مُساهمةموضوع: قصية الشاعر عاشق الرومانسية   قصية الشاعر عاشق الرومانسية Emptyالجمعة أكتوبر 05, 2007 8:57 am

geek queen king
والي ينيم ورده ويمسد عليها
مو مثل الي يلولي وينيم جرح
والي غفه بجلمة محنه
مو مثل الي ينام وبصدره رمح
والي يبات الكحل بعيونه ويصبح
مو مثل الي يبات وبعيونه ملح

لاحبـيـبـي انا هذا اليل من يمرني
دمعه وسهر وأشواق وحنين
وانا عيني عليك مابطل دمعها
تبجي ماتسكت العين

لالا لاتبجين
امسحي دمعتج وارجوج لاتبجين
خوفي انا عليج من الدمع والله
مرات الدمع ياخذ حلاة العين
ويل كلج تراث ارجوج لاتبجين
تبجي ماتسكت العيــن

من جربت ليلج انا مامرتاح
لان ليلك غفه وانا سهرت وحدي
ومن عديت عمرج والله مامرتاح
لان عمرك دموع وياكل بخدي
ومن جربت صبرك حيــل مامرتاح
لان صبرك جبان ولايكَ بسدي

بس اسمحلي اكَلك انت قاسي وياي
مدري شبدلك واتغيرت ضدي

حبيتك صدك ماجذبت على الروح
وبحبك صحيح اجاوزت حدي


بس كَالولي عنج انتي متحبين وصلولي سوالف ماني سامعها
انا بروحي وعذابي وحيرتي متانين
مابين الامل والياس والفركه

لامريتي بيه ولااجيتي بطيف
بس الذكريات ولهفة الملكَه
مرات احتركَ الحد مااذوب انهار
وانتي بنص ثلج مامرتج حركَه

لاحبيبي وتدري انا اهواك
ذوبني القهر والروح محتركه
من يمرني اسمك اشتعل بركان
وترى وداعت عيونك مثلي ماتلكَه

وانا بعد المسافه وساعه من اشتاكَ
اوصي الهوى البابج من يجي يدكَه
اعتب وانقهر واحجي بصلافه وياج
بس معذور كَلبي يطالب بحكَه
اريدج ذيج انتي وماتهزج ريح
اريدن صبرج يطول بعد خلكَه

وانا اصبر الحبك مثل صبر النوكَ
ولو كل العمر بالصبر خلصته
لان احبك تدري حد الموت
وغيرك لاتضن الروح عاشكَته

وانا البارحه بأخر نفس لليل
سهرن وي همي ومانمت ليلي
اجيتي كَبال عيني وكَمت احسب بيج
واحس اهموم شوكَج هدمن حيلي
هااا نامت بعدها شلون يكَضي اليل
وانتي هواااي من اليل تشكيلي

آآآه بعد شتريد انطيتك عمري انا ومابخلت عليك
سلمتك حياتي وكَتلك ادلل
ياعشكَ الصبا وتيهني بين الناس
عذبني السؤال وحقي من أسأل
دللتك دلال وكلشي كتلك صار
المهم مااريد كَلبك عني مايقبل
لاتزعل حبيبي اذا تغيرت وياك
هم الكَلوب بالحضات تتبدل

لا ارجوج ذاك اني بعدني شما تمر الايام
بس انتي اشوفك مو مثل الاول
تعيــــريني بدلالج وانا كلي اهموم
ومااريد انا اعيش بهمج مدلل

من كَلبك حجيت الحجي هذا وياي
و معقوله بكلامك هذا تتقبل
لا لا تجرح احساسي وتدري كلش زين
انا على الزعل مااكدر اتحمل

انا جم دوب اضل وياج
تزعليني وترضيني وتتيهيني بكلامج وابقى مااندل
مليت العذاب وكَلبي بيج احتار
حضي اعوج وياج شوكت يتعدل

كَلت مليت

اي مليت

اذا مليت مني يجوز كلشي يصير
مرات البشر من نفسه هم يمل
واذا ناوي الفراكَ ينتضر خل يطول
بعد زغير زرعي شيحمل المنجل
تريد وياك ابقى احسبني حد الموت
مااكَلك نسيت وكَلبي يتحول
واذا متريدني احسبني بعد اسبوع
مااكَلك اموت بس اكَول انسل

محتار وي روحي وحيرتي بصدري
واموت من القهر بس انت ماتدري
كل مارد اكَلك احسب الف حساب
اخاف تروح مني وينتهي عمري

تذكرين جنت اتمنه اشوفك واحجي مره وياج
وجنت ابجي وي روحي من يمر طرواج
روحي تروح كلها وياج
عكَلي يروح كله وياج
اتعثر بدربي من انضر الممشاج

وانا بمستحاك ادري كلش زين
واباوع ارتباكك واصفن الممشاك
بس شتريد اكَلك يعني مامعقول
احس عيب من اكَلك هالكَلب يهواك
ضليت بسكوتي وانتضر يايوم تجمعني اليالي واحجي انا وياك

تذكرين جنت احتار شكتب بالرساله
جنت كل كَلب الي ارسمه من العشكَ خلصان
تذكرين بأيام امتحاني
وجنت افكر بيج
جنت اريد انساج لحضه من افتح الدفتر
لاموني اصدقائي وردت اصبر الروح
وبحبج ضعيفه الروح ماتكدر

غازليني بعمري ماشايف غزل
وعوديني عليج خل كل يوم اشوفج
وعاتبيني بيوم اذا مرني الزعل
غازليني شلون ماتردين احجي
طولي حيل انا شو وياج مااحس بالملل
غازليني ولاتستحين
مااضن ابيناتنه يكون الخجل


انا احبك انا اموت عليك شكثر منها هاي
انا بس بحبك معلكه الامل

اااااااااااي خلي اسمع
راح اغمض عيني واسمع
خلي عقلي يتيه وي اجمل غزل
خلي هذا اليل يحلى
مثل ماتحلى الشفايف بالعسل

ياحبيبي الماكو مثلك
انا احبك
انا كَلبي من الزغر بس انت حبك
انا طشيت العمر ريحان وورود على دربك
انا ازعل عليك
اعترفلك بس مره وحده ازعلت
بس جنت ارد جربك

تجربيني
ومالكَيتي غير الزعل بيها اجربيني

ياحبيبي وداعتك ماعندي غيرك
ياقساوه اقسي وي روحي ولااقسي عليك
ياحبيبي عذبتني ليل ونهار انا بس مشغوله بيك
انا احبك حب خرافي
ومثل مااشتهي انفاسي انا اشتهيك

ويوم البيه ومااشوفك
انا اوصي الهوى يسلملي عليك

انا من دونج مااحس بالحياة
ضلمه هاي الدنيا تصبح
ولاتصدكين ارتاح بغيابك
همومي من بعدك سيوف وهي تجرح

يفززني ضواك بليل لو جيت
مثل ضلمه وتجيها بغفله شمعه
تعال وخل اشوفك مرت ايام
تعال وثوب بعدك يمي نزعه
كَالولي نساك وهسه مرتاح
وهواي اختلف وياج وضعه

انا انساج
والله مانسيت
اذا انساج المن هالدموع الكل الوكت تجري
اذا انساج جا المن اون واكتب بشعري

يكولون نسى المحبوب
لاجنهم شماته وشافو احنه اثنين
ماخذنه الهوى العذري

انا اعرف قصدهم وادري كلش زين
بس انا وحياتك مانفذ صبري
رادوني اعوفك كَوه هاي الناس
بس انا من اعوفك ينتهي عمري
بس مرات ابين روحي اعتب عليك هواااي
لان تتعمد انت تزيد بقهري

آآآآآآآآآآآآآي ايصير اسبوع يمر ومااشوفك بيه
تدري انت بعذابي لولا ماتدري


صار اسبوع حقج انتي ماتدرين
انا النار بيه وماطفت لحضه
يحسدوني بعذابي الناس وانا الكَلب جامه انكسر واشظه
صدك هاي الحياة احظوظ
كلمن بالهوى وحظه
وانا الوكت ضدي
وانتي هم وياه
صار الحكم غصبن
ترضى ماترضى

بس حكم الوكت لازم نامن بيه
يمرنه الحزن يومين والفرح ومضه

لاتحتار فرغ همك وي اليل
اشكيله الهموم وليلك تعوضه

لالا ماشكي همي ليل
شنهو اليل
مااطخ راس اله
وبحله ماارضى

برغم ماانا احبك
لاكن شبيدي
حياتي وياك مااضن الها تالي
شمعه العمر يكَظي ولازم اذوب
وياشمعه البقت طول اليالي
خلينه انتفارك والمضى انساه
خل نلحكَ عمرنه على التوالي

هاي شبيج
تحجين بصدك
لو انتي تتشاقين
انا الجبت عمري معاند وي الروح
ماحسبت بيج بلحضه تتغيرين
احجيلي الي صار شبيج ماتحجين
روحي تخوني يجوز تخون
بس انتي ولاحاسبلج تخونين

صدكَني انا احبك بس اخاف عليك
صعبه انا حياتي وعايشه بنص هم
مااريد اشوفك تحتركَ وياي
واصير انا السبب من انت تتألم
ظروفي تغيرت خليك عني بعيد
اخافن لو بقين وياي تتندم

آآآآآآآآآآآآآآآآآآه
اتـــنــدم
محسوبه اليالي وعمري محسوب
وياي الحزن متكَدر اكَدار
جبت عمري بقهر وبدمع متعوب
شلم من ذكرياتي وهن طشار
انكسر سيفي وانا وي الوكت مطلوب
ومدري بيا دقيقه يداعي باالثار
خطيه عيوني بيها الدمع مغصوب
اخاف ابجي بحركَتي وتشتعل نار
يارخص العمر من اوله يذوب
وشبيدي على الزمن خلاني احتار

شتعيش على القهر مدكلي جم دوب
والياوكت تبقى وياي تحتار

بس انا ارضى بيج وبكل همومي وياج
المفروض منج ماتعوفيني
يهون الي جرى وبالصبر كلشي يهون
وانتي على الصبر ياما توصيني
ماجنت ارتجي تحجيلي حجيج هاذ
شجعيني على حبج انتي شجعيني

كَاعده شمدريج بيه
عدل ،ميت ،صاحي ،نايم ،
مبتلي لو كَلبي خالي
كَاعده شمدريج بيه
وانا الـــف حسبه تجي تمر بخيالي
كَاعده شمدريج بيه
لج عذالي اجت تبجي على حالي
ماتدرين كَلبي شكد يحمل احزان
اتعب والتعب وياي متعوب
طحت بس ياوكعه ابين عدوان
وتلكوني الشماته وانا مصيوب
غريب وياغربتي المالها السان
وترده الوكت وياي فد نوب

طبعا انتي ماتدرين مرتاحه بحياتج وانا اتعذب
اصبح بالقهر واتمسى وي الهموم
وبس وي الدموع انا من اريد العب
مكتوب بحياتي والعمر لحظات
وانا العمر كله وي التعب اتعب

هاااا يعمري انا يمكن راح اسافر
يعني معناااهااا اروح
يعني معناااهااا اهاجر
يبقى كَلبي الوحده حاير
انا تعبني القهر والانتضار وكَظت حفله سنين صابر
يومي هم بهم اخلصه
ونفس هذا اليوم باجر
ومن بعد ماشفت روحي
قررت لازم اسافر
الرجوع الى أعلى الصفحة اذهب الى الأسفل
italy_man
عضو نشط
عضو نشط
italy_man


ذكر
عدد الرسائل : 286
العمر : 37
نقاط : 0
تاريخ التسجيل : 20/10/2007

قصية الشاعر عاشق الرومانسية Empty
مُساهمةموضوع: رد: قصية الشاعر عاشق الرومانسية   قصية الشاعر عاشق الرومانسية Emptyالأربعاء أكتوبر 31, 2007 6:00 pm

مشكوووووووووووووووووووووووووووور حبي على الموضوع الحلو تحياتي الك وردة
الرجوع الى أعلى الصفحة اذهب الى الأسفل
الملثمة بعلم الله اكبر
عضو نشط
عضو نشط



انثى
عدد الرسائل : 175
العمر : 35
العمل/الترفيه : طالبـــــــة
نقاط : 0
تاريخ التسجيل : 10/11/2007

قصية الشاعر عاشق الرومانسية Empty
مُساهمةموضوع: رد: قصية الشاعر عاشق الرومانسية   قصية الشاعر عاشق الرومانسية Emptyالأربعاء نوفمبر 21, 2007 3:46 pm

شكرآ جزيلآ اخي الوردة
الرجوع الى أعلى الصفحة اذهب الى الأسفل
 
قصية الشاعر عاشق الرومانسية
الرجوع الى أعلى الصفحة 
صفحة 1 من اصل 1
 مواضيع مماثلة
-

صلاحيات هذا المنتدى:لاتستطيع الرد على المواضيع في هذا المنتدى
منتديات عشــــــــاق بــــــغداد :: ~*¤ô§ô¤*~منتديات الترفية والتسلية~*¤ô§ô¤*~ :: منتدى الشعر والقصص-
انتقل الى: