--------------------------------------------------------------------------------
الوطن :
أليه اعتاب وياكم يا أعزاز خلوني أكولنه
أكلكم ذنبي المسويه شنهو و تبتعدون عنه
احبكم والحب لاهو جرح ويطيب ولا ثوب وأنزعنه
ولا عشرة شهر وأنساه و لاميت وأطمنه
أحبكم بكلب مكسور وكسر الكلب جا بيش اجبرنه
ابقى أحن واشتاك ألكم شما أبعدكم القدر عنه
نسيتونه لو بعدكم تذكرون ذيج العشره وذيج المحنه
حاجوني أبصراحة ارجوكم لو أكطع الظنه
لو أكـــــــــــــــــطع الظنه
الابن المغترب:
ياوطن لا تعتب علينه واحنه كلنه محنه
الذنب مو منك والله ولا هو ذنبنه
نحبك والله ياوطن وكلنه شوك لاهلنه
ونبقى الك نشتاك شما رحنه وبعدنه
ماننساك لا والله وكل ساعه بكلوبنه الك ونه
ولا يابو المحنه لا ارجوك لا تكطع بينا الظنه
عزيز انت وكلنه نروح الك فدوه من زغرنه
بس اصبر علينه يفرجها الباري ويزيح هالغمه
ونرجع لحظنك يا وطن ومن ترابك نتحنه
ونلملم جروحك ومثل ما تحظنه بكلوبنه نظمك
الثلاثاء أكتوبر 02, 2007 1:05 am
