قصيدة تبجي والله

خجل حتى الوطن من شافنه بها لحال ... مثل والد عليل تعاركو ولده
ياجار اليحشمه ويدري بالجيرا ... متحزمه عليه وتشتغل ضده
اذا مايهده تهده وتفرح وترتاح ... وماتهده دقيقه من الوضع يهده
باوع عالدول والناس وصلت وين ... وحنه بهلخلاف إنجيبه ونرده
مسرحنه نعرف وشتهروا لابطال ... مخطوف وشهيد ولازمه العده
ومجهول الهويه وجسد مابيه راس ... ومفجوعه بولدهه وتصرخ إبسده
مسكين اليتيم يمر عليه العيد ... ودموعه فواتح ناصبه بخده
گلي بيا ذنب كتلو ابوه وليش ... كوم عيال عده وكلشي ماعنده
اوگلي بيا بخت جابوه بغير زنود ... للجابت عمرهه مچلبه بزنده
جرحك مثل جرحي وبلوتك بلواي ... وصوابك صوابي شلون ماشده
ناوشني المحبه وبوسة التجبير ... خل نگطع نزيفه إبّلسم الوحده
اشگد مشتاگ امر للاعظميه اليوم ... والنعمان ازوره ويمك اتغده
ونعبر عالجسر نتمشه ايد بأيد ... يم باب الحوائج غيضنه نهده
لاخير بوطن ماتغفه عينك بيه ... و لاخير بشعب مايعبر الشده


قصيدة قريتها بأحد المنتديات وبچتني والله وحبيت انقلها الكم وانتوا بكيفكم
اللي يريد يحذفها واللي يريد ينقلها بس اتمنى ان تنقلوها

تحيـــــــــاتي نائب مدير المنتدى \\\\\\الشبل