قصيدة تأقلم
من تاليف الشاعر
عباس جيجان
تاقلم كالي البطران وتوكل على الله وصفي النية
عيش لذاتك وية الناس ونسة همومك شوية
مهي الدنية صارت هيج كلمن منزويلة وخاتل بفية
ولا تذكر فراتك يوم ولا دجلة وشواطيه بدلهن بنهر الراين المعروف وفروعة ومجارية
وخلنا من الوطن هساع وقصورة ومحاريه
بدلة بوطن نيدرلان وسوشالة ومصارية
وخلنا من الطفولة وعمرك التعبان وسنينه ومحاجيه
هي الناس نفس الناس بس تختلف باللهجات والنية
اذا رايد صديق هنا بدل روب بعطية
واذا رايد تشم نسمه عليلة من هوة بغداد هوانة بانتهوفن ينعش الرية
واذا رايد كهكهة وعشرة دفو نسوان بدل مركريت بجهرة بهية
واذا حنيت لاغاني داخل حسن والمنكوب ورياض احمد يغني محمداوي بطور الابوذية
انا الويل يا ويلات والهوسات ومحاضن الجوبية
اسمع مايكل شيكول من اوتار صوتة طك تراجيه
واذا يردح على المسحر يظل يمرد جلاوية
عليمن تنقهر عل فات مهي الدنية مكضية
وطنة البنينا بدمع وضلوع صفة بطن الحرامية
وعليمن للصبح سهران كاعد بس تعد نجوم تحسب زحل وثرية
وعليمن عيونك ربية كطعنا الياس منهم فد نوب لاروحه ولاجية
اتأقلم وانا الممنون ياخايب غصبنا علية
اتأقلم واجيك من الصبح بالشورت حافي بطرك رجلية
واذب عكالي ذاك الزين واحط براسي طاكية
واروح الديسكو كل يوم واركصلك ركص مذبوح واكلك شوفني شبية
اتأقلم واصيحن حيل تحيا الديموقرايطية
تحياتي ريدووو
الثلاثاء أكتوبر 30, 2007 3:56 pm