سنة وشيعة اخوان رغم الجرة وصار ... ونبقى احنا ايد بايد مهما الزمن دار
من دمي اريد اسكيه لولفي واشربة ... ولو جاع اكص الگلب واشوي اليعجبة
ليش الشوف اهوى ينخطف لونة ... الفرح ويلخوف يتواردونة
لا تعتب اعله الراح واتنطر الجاي ... ما يلتم اللي فاض من طاسة الماي
اوهه امداهه الروح اوهه امداهه ... باعاهه بارخص سوم ذاك الشراهه
امي..يا اعز الناس بگلبي حسرة .. انت حلم بالروح محد يفسره
جتفت روحي جتاف حسبالي تنساك .. من روحي طلعت روح وتكلك اهواك
عالحشر تنشد ليش ماتدري يمته ... الحشر عندي يصير من تبعد انته
صدكني اصيرن غيم وامطرلك عيون ... وفاي الك يا صاح للخوه ممنون
(الوكت وكت المال مو وكت الاطباع** حتة اليلم الطيب لاهل الطمع باع)
(اعذرني يوم الموت مابرت ذمتك**جي محد من الناس سواهة دكتك)
حسبالك امن تموت عود انه انساك ... انبش تراب البيك وتوسد وياك)
عمده ارد اتيه الروح وبعاصف الريــح ... بلچي اعله نزل اهواي من يصفن اتطيــح
عفيه قلب مَيليــن من يسـمع إبچــــاي ... لو من صخر هم جــان لان وغده مـــاي
الميت إشمدريه باليمشي دفان ... لو يدري يمشي هواه چا شگ الچفان
تحياتي لكم
اخوكم
الثلاثاء أكتوبر 30, 2007 4:03 pm