اتمنى من كل شخص يدخل لهذا الموضوع ينطيني رأيه حته لو كان من دون شعر مجرد نرجع لو لا؟
عراق وحبيب القلب انته
اريد ارجع وابوس ترابك
بعدك ضيم وقهر شفته
خانوا بيك حته احبابك
بسوريا انطونه قرارات
على الحدود مادخلوا شبابك
والي بدمشق والي بحلب
ترحيل ونشمرنه ابابك
احلى باب يايمه يابويه
احلى البيبان بابك
ماسديته بوجه حاقد
ومفتوح دوم لأحبابك
والأردن تكول ممنوع الدخول
الا تملك الدولار
ومن تروح وانته فقير
يصيح بوجهك انته ياهو الجابك
ومصر فتحت لم الشمل
والماعنده شمل هم كله اشجابك
ياوطن ياعربي
العراق اجمل صوره بكتابك
ياوطن ياعربي
العراق اطهر تراب بترابك
ياوطن ياعربي
يشرفني موتي بالعراق
ولا انطرد انه من دارك
ياوطن ياعربي
لوما اهلي الك اجو
ماجيت ولادكيت بابك
ياوطن ياعربي الدنيا دواره
تجيني وافتحلك البيبان
واكلك ادخل بيتك
انه ابو الكرم
تطلع الأهل من البيت
واخذ الدار دارك ....