ايميلك غير قابل للسرقة..كيف!

ايميلك غير قابل للسرقة
لما كثر الحديث في الاونة الاخيرة عن برامج سرقة الايميلات او استعادة
الايميلات وجدت نفسي مرغما لكتابة هذا الموضوع خصوصا و اني لاحظت
عدم العناية بهذا الموضوع من قبل الكثير.
الموضوع ببساطة هو:لا احد يستطيع سرقة ايميلك للابد ،قد يخطفه صديق منك او برنامج
خبيث و لكنك تستطيع استعادته بعد لحظات و ببساطة! لا تستغرب!
فاشهر الشركات و ان شئت سمها المواقع المضيفة لخدمة البريد الالكتروني(e_mail )
منحت صاحب الايميل خاصية ذهبية للمحافظة على بريده الالكتروني من السرقة الا و هي
خاصية ما يسمى بسؤال الامان(Security Question )و معرفة هذا السؤال و جوابه
برأيي الشخصي هي اهم من معرفة الباسورد للبريد الالكتروني(طبعا هذا الكلام يشمل جميع
الشركات المزودة لخدمة البريد الالكتروني مثل Yahoo,Msn,Google بدون استثناء.
و الان اصل الى زبدة الموضوع و اقول لكل من يريد انشاء بريد الكتروني جديد(يعني
على كولتنا بالعراقي:يسوي ايميل) بعد دخولك لصفحة انشاء الايميل و انتهائك من ملأ جميع
المعلومات المطلوبة ستصل الى المرحلة النهائية و هي مرحلة التهنئة و حصولك على الايميل
(Registration Completed )
هذه الصفحة الاخيرة هي اهم مرحلة من مراحل حصولك على بريدك الالكتروني الجديد
اياك ...ثم اياك... ثم اياك... ان تغلقها قبل ان تسجل معلومات ايميلك الظاهرة فيها
و تقول لنفسك خلص اروح افتح الايميل(و تستعجل بس تريد تروح تسوي شات عبالك
الشات راح يطير..لا تصير خبل يول...دك ثكل شوي...ههههههه)
و حتى تحتفظ بمعلومات ايميلك و التي ستنفعك (بيوم اسود و تظل تلوب مثل المتزوهر
و تكول :باكو ايميلي..راحت الرسائل المهمة كلها بيه..الحبيات و القشمريات...باكو ايميله
الي يسمعها يكول حسابات الشركة كلها بايميله..هههههه)طبعا اكيد في ناس سرقة بريده الالكتروني
يعني كارثة حقيقية ..و لا اريد الدخول في التفاصيل حتى لا يطول الموضوع... .
طبعا وصلنا الى مرحلة حفظ المعلومات و فيها طريقتين:
1:تكتبها باستخدام ورقة و قلم(يعني ما تحتاج روحة للقاضي)
2:بطريقة البرنتسكرين(PrintScreenSysRq):و هو مفتاح موجود على الكيبورد...
(اكثر من هذا ما راح اشرح عليه..اذا الله سهل راح اعلمكم على البلاوي السودة و سوالف الخباثة بهل
المفتاح الزغير...بس مو هسه لان ما عندي وكت).
لحظة لا تطفر وين تريد..مو تنسى اكتب كل المعلومات الموجودة بالصفحة
لا تصير عجوزي..
و التي هي :
1:مواليدك الي كتبتها بالايميل(Your Birthday )
2:الكود (Your ZIP (or Postal) Code )
3:سؤال الامان (Security Question)
4:جوابك على السؤال(Your Answer)
طبعا انا وضعت الشرح على اكثر الايميلات استخداما و شيوعا لحد الان الا و هو الياهو
[email][color=#0463c1]name@yahoo.com[/email]
------------------
و هذه هي صورة الصفحة

لا تسالوني كيف ترجعون الايميل اذا ضاع الباسورد او قفصو عليك و سرقو ايميلك
الان انت محصن بهذه المعلومات فقط اذهب لصفحة بريدك الالكتروني فالنفرض
صفحة ياهو ميل(Yahoo Mail)
اختار (Forget Password)
و بعدها راح تملي المعلومات و هو يعطيك الباسورد (حتى اذا غيرو القفاصة..لا تخاف على ايميلك بعد اليوم)
(كافي تعبت: هذا احتمال اشرحه بغير موضوع قريبا ان شاء الله)
[color:71ca=yellowgreen:71ca]أخوكم محب الصالحين

مشكور حبي هيثم وننتضر كل جديدك